Colombo Today Local News

සාම්පූර් චෛත්‍ය ඩෝසර් කළ, කෝවිල් කමිටුවේ ප්‍රධානීන් රක්ෂිත බන්ධනාගාරයට

සාම්පූර් ඉපැරණි චෛත්‍ය ඩෝසර් කර විනාශ කිරීමේ සිද්ධිය සම්බන්ධයෙන් අත්අඩංගුවට ගත් ප්‍රධාන සැකකරුවන් සිව්දෙනා හෙට (04 වැනිදා) දක්‌වා රක්‌ෂිත බන්ධනාගාර ගත කරන ලෙස මුතූර් දිසා විනිසුරුවරයා පෙරේදා (01 වැනිදා) නියෝග කළේය.

මෙම ඉපැරණි චෛත ඩෝසර් කර විනාශ කිරීම සඳහා නියෝග ලබාදී ඇත්තේ එම චෛත්‍ය පිහිටි භූමියේ පවත්වාගෙන යන කෝවිලේ සංවර්ධන කමිටුවේ නිලධාරීන් බව පොලිස්‌ පරීක්‌ෂණවලින් හෙළිවී තිබේ.

මෙහිදී රක්‌ෂිත බන්ධනාගාරගත කළ සැකකරුවන් අතර එම කෝවිල් කමිටුවේ සභාපති චිත්‍රවේල් ජෙගදීෂ්වරන්, එහි ලේකම් දේවරාජා නිගන්දර්, භාණ්‌ඩාගාරික රත්නම්චන්ද්‍ර මෝහන් සහ චෛත්‍ය විනාශ කළ ඩෝසරයේ රියෑදුරු ධනුෂ්ක චන්දන යන අය සිටින බව පොලිසිය පවසයි.

සාම්පූර් ඉපැරණි චෛත්‍ය ඩෝසර් කර විනාශ කිරීමේ සිද්ධිය සම්බන්ධයෙන් සැකකරුවන් හත් දෙනකු අත්අඩංගුවට ගත් අතර ඉන් තිදෙනකු මුතූර් අධිකරණය මගින් ඇප මත මුදාහැර ඇත.

මෙම විනාශයට සම්බන්ධ සැකකරුවන් අත්අඩංගුවට ගැනීම සඳහා සාම්පූර් පොලිසිය විමර්ශන කරගෙන යද්දී ඊට සම්බන්ධ සැකකරුවන් පෙරේදා පෙරවරුවේ පොලිසිය වෙත භාර වී තිබිණි. පසුව ඔවුන් මුතූර් අධිකරණය වෙත ඉදිරිපත් කිරීමට පොලිසිය කටයුතු කළේය.

සාම්පූර් කෝවිල් කමිටුවේ තීරණයක්‌ මත මෙම චෛත්‍ය මෙසේ ඩෝසර් කර විනාශ කර ඇති බව පොලිසිය පවසයි.

නැගෙනහිර පළාත භාර ජ්‍යෙෂ්ඨ නියෝජ්‍ය පොලිස්‌පති කපිල ජයසේකර, ජ්‍යෙෂ්ඨ පොලිස්‌ අධිකාරි කපිල කඩුපිsටිය, සහකාර පොලිස්‌ අධිකාරි බුද්ධික මනතුංග යන මහත්වරුන්ගේ අධීක්‌ෂණය යටතේ සාම්පූර් පොලිස්‌ ස්‌ථානාධිපති බුද්ධික රාජපක්‍ෂ මහතාගේ මෙහෙයවීමෙන් විමර්ශන පැවැත්වේ.

Related posts

වරාය සේවකයෝ පාරක් වහයි – කොළඹ කොටුව මාර්ග අවට දැඩි රථවාහන තදබදයක්

Admin

ලිංගික අතවර කර 7 හැවරදී දරුවා ඝාතනය කරලා

colombotoday

රුවන්වැල්ලේදී තරුණයෙක් ඝාතනය කෙරේ

colombotoday

ගුවන් හමුදාවට පරණ රුසියන් යානා 6ක් ගන්න ඇමති බලු පොරයක් !

colombotoday

පාර්ලිමේන්තුවේ අදත් ඡන්දයක්…

colombotoday

කොළඹ හතේ ගෙයක් බින්ද ප්‍රබල ඇමතියෙක් ළගදීම අත්අඩංගුවට

colombotoday