ලංකාවේ වත්මන් ආරක්ෂක තත්ත්වය සම්බන්ධයෙන් සෑහීමකට පත්විය නොහැකි බවත්, උතුරු නැගෙනහිර ප්‍රදේශවල ඇතිවී තිබෙන තත්ත්වය කඩිනමින් පාලනය නොකළ හොත් බරපතල තත්ත්වයක් මතුවිය හැකි බව මේජර් ජෙනරාල් කමල් ගුණරත්න පවසයි.
මේජර් ජෙනරාල්වරයා මේ බව ප්‍රකාශ කර සිටියේ ඊයේ (19) ගාල්ලේදී පැවති උත්සවයකට එක්වෙමින්.
හමුදා බුද්ධි අංශ සක්‍රීයව කටයුතු කළේ නම් “ආවා“ කල්ලිය වැනි සිදුවීම් වළක්වා ගැනීමට හැකිවා තිබූ බවද ඔහු අවධාරණය කළේය.
එහිදී ඔහු වැඩි දුරටත් සඳහන් කළේ “යුද හමුදාවේ බුද්ධි බලකාය පසුගිය කාලයේ බොහොම බලගතුව තිබුණා. ඒ නිසා ඒ කාලයේ ආවා වැනි කල්ලි ඇති වුණේ නැහැ. නමුත් වර්තමානයේ විවිධ කාරණා නිසා බුද්ධි බලකායේ නිලධාරීන් සිය රාජකාරී ඉටු කිරීමට බයයි.” යනුවෙනි.