ඉල් පුර පසළොස්වක පොහොය දිනය එළැඹෙන ලබන 14 වැනිදා පෘථිවි වාසීන්ට සුපිරි සඳක් (Super Moon) දර්ශනයට අවස්ථාවක් උදාවන බව ශ්‍රී ලංකා ග්‍රාහලෝකාගාරය පවසයි.
වසර 68 කට පසු පෘථිවි වාසීන්ට උදාවන මෙහිදී චන්ද්‍රයා 14%ක ප්‍රමාණයකින් විශාලව දිස්වන අතර 30%ක ප්‍රමාණයකින් දීප්තිය වැඩිවී දැකගත හැකි බවද සඳහන් කරයි.
මින් පෙර මෙවැනි අවස්ථාවක් සිදුවී ඇත්තේ 1948 වසරේදී වන අතර නැවතත් මෙවැනි සුපිරි සඳක් පෘථිවි වාසීන්ට දැකගත හැකි වන්නේ 2034 නොවැම්බර් මස 25දින බවද ශ්‍රී ලංකා ග්‍රාහලෝකාගාරය වැඩිදුරටත් පවසයි.