තොග වෙළෙඳාම වෙනුවෙන් දිවයිනේ සියලු ආර්ථික මධ්‍යස්ථාන අද (24)දින විවෘතව පවතී.
ආර්ථික පුනර්ජීවනය හා දරිද්‍රතාව තුරන් කිරීම සඳහා වන ජනාධිපති කාර්ය සාධක බලකාය පැවසුවේ, ආර්ථික මධ්‍යස්ථාන වෙත පැමිණෙන තොග සහ සිල්ලර වෙළෙඳුන්ට බාධාවකින් තොරව සිය කටයුතු සිදුකිරීමට අවශ්‍ය බලපත්‍ර ලබාදෙන්නැයි අදාළ අංශ වෙත දැනුම් දී ඇති බවයි.
අවසර ලත් ජංගම රථ මගින් එළවළු අලෙවි කිරීම සඳහා අවස්ථාව ලබාදී ඇතැයි ද එම බලකාය සඳහන් කළේ ය.
දිවයිනේ ආර්ථික මධ්‍යස්ථාන හෙට (25) දිනයේත් විවෘතව තැබිමට රජය තීරණය කර තිබේ.