එක්නැලිගොඩ නඩුවට අදාලව රක්ෂිත බන්ධනාගාරගතකර සිටි යුද හමුදා සන්නදධ බුද්ධි බළකායේ නැගෙනහිර හිටපු ප්‍රධානී ලුතිනන් කර්නල් ශම්මි කුමාරරත්න, මාණ්ඩලික සැරයන් ප්‍රියන්ත රාජපක්ෂ අවිස්සාවේල්ල මහෙත්ත්‍රාත්වරයා විසින් අද ඇපමත නිදහස් කරනු ලැබීය.
රුපියල් ලක්ෂ 15 බැගින් මුදල් ඇප දෙකක් මත බුද්ධි අංශ නිලධාරීන් දෙදෙනා නිදහස් කිරීමට පසුගියදා අවිස්සාවේල්ල අධිකරණය නියෝග කළද අදාළ ඇපමුදල් ගෙවීම සදහා මුදල් නොමැතිවීමෙන් නැවත් වරක් බන්ධනාගාරගත වීමට එම නිලධාරීන් දෙදෙනාට සිදුවිය.
සමාජ ජාල ඔස්සේ සහ රණවිරුවන් සුරැකීමේ සංවිධාන විසින් කරන ලද ඉල්ලීමට ක්ෂණික ප්‍රතිචාර දැක්වූ යුතුකම දත් පුරවැසියන් විසින් දින දෙකකට අඩු කාලයක් ඇතුළත එම මුදල සම්පූර්ණ කරගැනීම සදහා සහය ලබා දී තිබිණි.
අදාල මුදල සම්පූර්ණ කරගැනීමට දායකත්වය දක්වමින් 18 මාසයකට පසු තම ආදරණීය සැමියාට සහ අනිත් රණවිරුවාට නිදහස ලබා ගැනීමට සහය දැක්වූ සියළුම දෙනාට අනේකවාරයක් ස්තූතිවන්ත වන බව අප සමග දුරකථනයෙන් සම්බන්ධවෙමින් ශම්මි කුමාරරත්න මහත්මිය පැවසුවාය.