බලපත්‍ර නොමැතිව කැබ් රථයකින් මුහුදු කූඩැල්ලන් 4500ක් ප්‍රවාහනය කරමින් සිටි පුද්ගලයකු මන්නාරම දී අත්අඩංගුවට ගත් බව පොලිස් විශේෂ කාර්ය බලකාය පවසයි.
විශේෂ කාර්ය බලකාය මන්නාරම කඳවුරේ නිලධාරීන්ට ලද තොරතුරකට අනුව මෙම වැටලීම සිදු කර ඇත.
අත්අඩංගුවට ගත්කා සැකකරු යාපනය ප්‍රදේශයේ පදිංචි වයස අවුරුදු 46ක් වන පුද්ගලයකු බව විශේෂ කාර්ය බලකාය කියයි.
අත්අඩංගුවට ගත් සැකකරු වැඩිදුර විමර්ශන කටයුතු සඳහා මන්නාරම ධීවර හා ජල සම්පත් දෙපාර්තුමේන්තුව වෙත භාර දී තිබේ.