උතුරු ටැන්සානියාවේ නීතිවිරෝධී පතලක සිදුවූ නායයාමකින් පුද්ගලයන් 22දෙනෙකු මියගොස් ඇති බව එරට බලධාරීන් පවසයි.
මෙම සිදුවීම Simiyu කලාපයේ Bariadi දිස්ත්‍රික්කයේ Ng’alita පතලේ සිදුවූ බව දිස්ත්‍රික් කොමසාරිස් Simon Simalenga සඳහන් කර ඇත.
අධික වර්ෂාව හේතුවෙන් ක්‍රියාකාරකම් සීමා වූ ප්‍රදේශයක පිරිසක් පතල් කැණීම ආරම්භ කිරීමෙන් පසුව මෙම නායයාම සිදුව ඇති බව සඳහන් වේ.
එරට ජනාධිපති Samia Suluhu Hassan මෙම සිදුවීම පිළිබඳව සිය කණගාටුව ප්‍රකාශ කර තිබේ.
දිස්ත්‍රික් කොමසාරිස් Simon Simalenga පවසා ඇත්තේ, පතල් තුළ පුද්ගලයන් 19ත් 20ත් අතර සංඛ්‍යාවක් සිරවී සිටින බව තමාට මුලින් දැනගැනීමට ලැබුණ නමුත් මළ සිරුරු 22ක් ගොඩගැනීමෙන් පසු සෙවීම් කටයුතු අවසන් වූ බවයි.
පවතින අධික වර්ෂාව හේතුවෙන් හදිසි ගංවතුර තත්ත්වයක්ද හටගෙන ඇති බැවින් එම ප්‍රදේශයට ගමන් කිරීමද සීමා කර තිබේ.