Colombo Today Local News

රන්ජන් තනි සිරකුටියක රඳවයි

“සජිත් ප්‍රේමදාස මහත්මයා කිව්වා අඟුණකොළපැලැස්සෙ බන්ධනාගාරයේ රඳවා සිටින රන්ජන් රාමනායක මහතාට අනෙක් සිරකරුවන් සමඟ මිශ්‍රව සිටින විට ආරක්ෂාවක් නෑ කියලා. අපි පසුව වහාම රංජන් රාමනායක මහතා තනි සිරකුටියක රඳවා තැබීමට කටයුතු කළා.’යැයි බන්ධනාගාර ප්‍රතිසංස්කරණ රාජ්‍ය අමාත්‍ය ලොහාන් රත්වත්තේ මහතා පැවසීය.

අද (24)දින ගාල්ල බූස්ස අධිආරක්ෂක බන්ධනාගාරයේ නිරීක්ෂණ චාරිකාවකට එක්වූ අවස්ථාවේදී මෙලෙස කීය.

තමා මෙම අමාත්‍යංශය භාර ගන්නා විට බන්ධනාගාරවල රැඳවියන් 30 දාහක් සිටී නමුත් එම ප්‍රමාණය 19,000 ක් දක්වා අඩු කිරිමට මෙම කාලය තුළ පුළුවන් වූ බව ද රාජ්‍ය ඇමැතිවරයා කීය.

බූස්ස බන්ධනාගාරය දැනට අධිආරක්ෂක කුටි 32 ක් විශේෂිත ගණයේ අපරාධකරුවන් රඳවා තැබීමට තිබෙන බවත් තව මාස දෙකකින් මෙම සංඛ්‍යාව දෙගුණ කර දිවයිනේ සියලුම විශේෂිත ගණයේ අපරාධකරුවන් මෙම බන්ධනාගාරයේ රඳවා තැබීමට අවශ්‍ය පියවර ගැනීමට සැලසුම් කර තිබෙනබවත් රාජ්‍ය ඇමැතිවරයා කීය.

මෙම අවස්ථාවට බන්ධනාගාර කොමසාරිස් ජෙනරාල් තුෂාර උපුල්දෙනිය, බන්ධනාගාර කොමසාරිස් ටි.එල් උඩුවරයන මහත්වරු ද එක්ව සිටියහ.

Related posts

අනාගත පරපුරට ආඩම්බර විය හැකි රටක් ගොඩනගනවා..- ජනපති සහතික වෙයි !

colombotoday

ව්‍යවස්ථාවට එරෙහිව ඒකාබද්ධයෙන් පාර්ලිමේන්තුවේදී කළුපටි විරෝධයක්

colombotoday

භාණ්ඩ වර්ග 843ක ආනයන සීමාවක් ඉවතට

Admin

කල්මුනේ වෙඩි හුවමාරුව සිදුවූ ස්ථානයේ පුද්ගල මල සිරුරු 15ක් හමුවෙයි

colombotoday

නානුඔය රිය අනතුරින් එකම පවුලේ පස් දෙනෙකු ඇතුළු හත් දෙනෙකු මරුට

Admin

අත්‍යවශ්‍ය සේවා සහ පාරිභෝගික ද්‍රව්‍ය කාර්යක්ෂමව බෙදාහැරීමේ යාන්ත්‍රණයක්

colombotoday