මුදල් විශුද්ධිකරණය වැලැක්වීමේ සහ ත්‍රස්තවාදයට මුදල් සැපයීම මැඩ පැවැත්වීම සඳහා වන ශ්‍රී ලංකාවේ ජාතික ප්‍රතිපත්තිය සහ ක්‍රියාකාරී සැලසුම ක්‍රියාත්මක කිරීම සඳහා කැබිනට් අනුමැතිය හිමිව තිබේ.
මුදල් විශුද්ධිකරණය සහ ත්‍රස්තවාදයට මුදල් සැපයීම වැළැක්වීම සඳහා ජාත්‍යන්තර ප්‍රමිතීන් සකසන අන්තර් රාජ්‍ය ආයතන වන මූල්‍ය කාර්ය සාධක බලකාය සියලුම රටවල් විසින් ක්‍රියාත්මක කළ යුතු බවට නිර්දේශ 40ක් හඳුන්වා දී ඇත.
2023-2028 සඳහා වන මුදල් විශුද්ධිකරණය වැලැක්වීම සඳහා ත්‍රස්තවාදයට මුදල් සැපයීම මැඩපැවැත්වීම සඳහා වන ශ්‍රී ලංකාවේ ජාතික ප්‍රතිපත්තිය ක්‍රියාත්මක කිරීමටත්, මුදල් විශුද්ධිකරණය වැලැක්වීම සඳහාත් අන්තවාදයට මුදල් සැපයීම මැඩ පැවැත්වීම සම්බන්ධයෙන් හඳුනාගෙන ඇති දුර්වලතාවයන්ට විසඳුම් වශයෙන් ඒ ඒ ආයතන විසින් ඉටු කළ යුතු කාර්යයන් ඇතුළත් ක්‍රියාකාරී සැලසුම් ක්‍රියාත්මක කිරීමටත් මුදල් අමාත්‍යවරයා ලෙස ජනාධිපති රනිල් වික්‍රමසිංහ මහතා ඉදිරිපත් කළ යෝජනාවට ඇමති මණ්ඩල අනුමැතිය ලැබී තිබේ.