වියළි කාලගුණය හේතුවෙන් වගා හානි සිදුවන ගොවීන්ට වන්දි ලබාදීමට ජනාධිපතිතුමා එකඟතාව පළකර ඇතැයි කෘෂිකර්ම අමාත්‍ය මහින්ද අමරවීර මහතා පවසයි.
ඒ අනුව, වගා හානි තක්සේරු ආරම්භ කරන්නැයි කෘෂිකාර්මික හා ගොවිජන රක්ෂණ මණ්ඩලයට උපදෙස් දුන් බව අමාත්‍යවරයා සඳහන් කරයි.
මේ අතර සමනල වැවෙන්, උඩවලව ජලාශයට ජලය මුදා හැරීම සම්බන්ධ යෝජනාව, අද (07)දින යළි කැබිනට් මණ්ඩලයට ඉදිරිපත් කරන බව කෘෂිකර්ම අමාත්‍ය මහින්ද අමරවීර මහතා කීය.
ඇඹිලිපිටිය ගොවීන් සඳහා මේ වනවිට වේලිඔය ජලාශයෙන් යම් ජලය ප්‍රමාණයක් ලබා දෙමින් ඇතැයි කෘෂිකර්ම අමාත්‍ය මහින්ද අමරවීර මහතා පවසයි.
ඒ හරහා වගාවෙන් 15% ත් 20% ත් අතර ප්‍රමාණයක් ආරක්ෂා කර ගැනීමට හැකිවෙතැයි අපේක්ෂා කරන බව අමාත්‍යවරයා සඳහන් කරයි.