පළාත් පාලන අමාත්‍යවරයා විසින් පළාත් පාලන මැතිවරණය පැවැත්වීම සඳහා නිකුත් කළ සීමා නිර්ණ ගැසට් පත්‍රය ක්‍රියාත්මක කිරීම ලබන දෙසැම්බර් 04 වන දා දක්වා අත්හිටුවමින් අභියාචනාධිකරණය අද අතුරු තහනම් නියෝගයක් පනවනු ලැබුවේ ය.
අභියාචනාධිකරණය එම නියෝගය නිකුත් කළේ, ඡන්ද දායකයින් 06දෙනෙකු ඉදිරිපත් කළ පෙත්සමක් සලකා බැලීමෙන් අනතුරුව ය.
අදාළ පෙත්සම ඉදිරිපත් කර තිබුනේ ෆයිසර් මුස්තාපා ඇමතිවරයාගේම කනිෂ්ඨ නීතීඥයෙකු ලෙස කටයුතු කළ නීතීඥයෙකු විසින් බව මාධ්‍ය අනාවරණය කර තිබුණු අතර, එය පළාත් පාලන මැතිවරණය කල් දමා ගැනීමේ කූට උත්සාහයක් විය හැකි බවද නීති ක්ෂේත්‍රයේ කතා බහට ලක්විණි.