මන්නාරම නගරයට පිවිසෙන පාලම අසල කලපුවේ තිබී නාඳුනන පුද්ගල මළසිරුරක් හමුවී තිබේ.
ඊයේ (02) පස්වරුවේ මෙම මළසිරුර පිළිබඳ තොරතුරු වාර්තා වූ බව මන්නාරම පොලීසිය පවසයි.
මෙලෙස මියගොස් ඇති පුද්ගලයා අවුරුදු 35ත් 45ත් අතර වයසක පසුවන, උස අඩි 05යි අඟල් 10ක් පමණ වන පුද්ගලයෙකි.
අදාළ පුද්ගලයා මියයන විට, කළු පැහැති අත්දිග කමිසයක් සහ නිල් හා සුදු මිශ්‍ර කොටු සරමක් හැඳ සිට තිබේ.
මළසිරුර පශ්චාත් මරණ පරීක්ෂණය සඳහා මන්නාරම රෝහල් මෘත ශරීරාගාරයට යොමුකොට ඇත.
සිද්ධිය සම්බන්ධයෙන් මන්නාරම පොලීසිය වැඩිදුර පරීක්ෂණ පවත්වයි.