සමනල වැවෙන් උඩවලව ජලාශයට ලැබෙන ජල ප්‍රමාණය යළිත් සීමා වී ඇති බව මහවැලි අධිකාරිය පවසයි.
ඊයේ දිනයේ ජලාශයට ලැබුණේ අක්කර අඩි 420 ක් පමණක් බව එම අධිකාරිය සඳහන් කරයි. මෙම තත්ත්වය තුළ ගොවි බිම් වෙත ජලය මුදා හැරීමේදී යළිත් දුෂ්කරතා මතුව තිබේ.
කෙසේ වෙතත් මුරවැසි හේන හා මයුරපුර ප්‍රදේශවල ගොවිබිම් සඳහා ජලය මුදා හැරිම ඊයේ ආරම්භ කළ බව මහවැලි අධිකාරිය සදහන් කළේ ය.
අගුණකොල පැලැස්ස ප්‍රදේශයේ ගොවිබිම් වෙත ජලය මුදා හැරීම තවදුරටත් අවිශ්චිත තත්ත්වයක පවතී.
උඩවලව ජලාශයේ ජල ධාරිතාව මේ වනවිට පවතින්නේ අක්කර අඩි 5000 ක් ලෙසයි. දෛනිකව ඉන් අක්කර අඩි 1100ක් ගොවිබිම් වෙත මුදා හැරෙන බව මහවැලි අධිකාරිය පවසයි.