සිසේරියන් සැත්කම් ඇතුළු සැත්කම් සඳහා භාවිත කරන අර්ධ නිර්වින්දන එන්නත් 30,000 ක් මෙරටට ආනයනය කළ බව සෞඛ්‍ය අමාත්‍යාංශය පවසයි.
එහි අතිරේක ලේකම් වෛද්‍ය සමන් රත්නායක මහතා සඳහන් කරන්නේ, පසුගිය දා භාවිතයෙන් ඉවත් කළ නිර්වින්දන එන්නත් වෙනුවට මෙම එන්නත් ආනයනය කළ බවයි.
ඒවා ශල්‍යාගාර පවතින සියලු රෝහල් වෙත බෙදා හැරීම මේ වනවිට ආරම්භ කර තිබේ.
ඒ අනුව, නිර්වින්දය සඳහා පැවති ඖෂධ හිඟය සම්පූර්ණයෙන්ම මගහැරී යනු ඇති බව ඔහු පවසයි.