අම්පාර දිස්ත්‍රික්කයේ නැවත පදිංචි කිරීමේ කටයුතු මේ වනවිට සම්පූර්ණයෙන්ම අවසන්කර ඇති බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා සඳහන් කරයි.
අමාත්‍ය ප්‍රසන්න රණතුංග මහතා පවසන්නේ, එම දිස්ත්‍රික්කය බිම්බෝම්බවලින් තොර භූමියක් ලෙස සනාථ කර ගැනීමෙන් පසුව ගම්මානවල ජනතාව නැවත පදිංචි කිරීමට පියවර ගත් බවයි.
විදේශීය රාජ්‍ය නොවන සංවිධාන, දේශීය රාජ්‍ය නොවන සංවිධාන හා යුධ හමුදාවේ මානුෂීය බිම්බෝම්බ ඉවත් කිරීමේ ඒකකයේ සහයෝගය ලබාගනිමින් වළදමා තිබූ බිම්බෝම්බ ඉවත්කර ඇත.
අම්පාර දිස්ත්‍රික්කයේ තිරුක්කෝවිල් ප්‍රාදේශීය ලේකම් කොට්ඨාශයේ තංගවේලායුදපුරම්, කන්චිකුයාරු, කාන්චිරම්කුඩා, සාගාමම් යන ගම්මාන හතරෙහි නිවාස 343ක් ඉදිකර අවසන් කර තිබෙන අතර තවත් ස්ථිර නිවාස 72ක් ඉදිකිරීමට නියමිත බව අමාත්‍යවරයා පවසයි.