බොරැල්ල ප්‍රදේශයේ ක්‍රියාත්මක කළ විශේෂ මෙහෙයුමකින් සැකකරුවන් 35 දෙනෙකු අත්අඩංගුවට ගෙන තිබේ.
පොලිස් විශේෂ කාර්ය බලකාය හා යුද හමුදාව සමඟ එක්ව මෙහෙයුම දියත් කළ බව පොලිසිය පැවසීය.
එහිදී හෙරොයින් ග්‍රෑම් 5 යි මිලිග්‍රෑම් 350 ක් සමග සැකකරුවන් දෙදෙනෙකු සහ අයිස් මත්ද්‍රව්‍ය ග්‍රෑම් 3 යි මිලිග්‍රෑම් 15 ක් සමග සැකකරුවන් සිව් දෙනෙකු අත්අඩංගුවට ගෙන තිබේ.
ගංජා ග්‍රෑම් 3 යි මිලිග්‍රෑම් 15 ක් සමග 4 දෙනෙකු අත්අඩංගුවට ගැනුණි.
කඩු 2ක් ළඟ තබාගත් සැකකරුවන් දෙදෙනෙකු සහ විවෘත වරෙන්තුකරුවන් දෙදෙනෙකු ද, අත්අඩංගුවට ගත් පිරිසට ඇතුළත්.
ප්‍රශ්න කිරීම සඳහා සැකපිට අත්අඩංගුවට ගෙන ඇති පුද්ගලයින් සංඛ්‍යාව 19 කි.
සැකකරුවන් අද අලුත්කඩේ හා මාළිගාකන්ද මහේස්ත්‍රාත් අධිකරණ වෙත ඉදිරිපත් කිරීමට නියමිතයි.