ඉදිරිපත් කිරීමට නියමිත 2017 අයවැය හරහා රටේ සෑම පුරවැසියෙකු විසින්ම සෘජුවම ගෙවිය යුතු වන නව බද්දක් හදුන්වාදීමේ සූදානමක් ඇතැයි වාර්තා වේ.
සෑම පුද්ගලයෙකුම තමන් උපයන මුදලින් 5%ක බද්දක් රජය වෙත ගෙවීමට නියමිත වන අතර එහිදී උපයන මුදල කොපමණද යන්න සැලකා නොබැලෙන බවද සදහන් වේ.
මෙම යෝජනාව මුදල් අමාත්‍යාංශය වෙත ඉදිරිපත් කර තිබෙන්නේ 2017 අයවැය සම්බන්ධව මෙරට ඍජු බදු ගෙවන ප්‍රධාන පෙළේ සමාගම් කිහිපයක ප්‍රධානීන් පසුගිය දා මුදල් අමාත්‍යාංශය සමඟ පැවැත්වූ සාකච්ඡාවකදීය.
මෙරට ක්‍රියාත්මක වන බදු ප්‍රතිපත්තිය යටතේ බොහෝ දෙනෙකු බදු ගෙවීම් පැහැර හරින තත්ත්වයක් පෙන්නුම් කරන බවත් ඊට පිළියමක් ලෙස සෑම පුද්ගලයෙකුම ආවරණය වන පරිදි උපයන මුදලින් බද්දක් අයකල යුතු බවත් මෙම සමාගම් ප්‍රධානීන් යෝජනා කර ඇත.