කොළඹ වරාය නැගෙනහිර පර්යන්තය සහ ත්‍රීකුණාමල වරායේ තෙල් ටැංකි සියල්ලම විකුණා දැමීමේ කැබිනට් පත්‍රිකාවක් ඉදිරිපත් කිරීමට සැලසුම් කර තිබෙන බව වරාය රැක ගැනීමේ වෘත්තීය සමිත පෙරමුණ පවසයි.
ඊයේ (23) පැවති මාධ්‍ය හමුවකදී ඔවුන් මේ බව අනාවරණය කර සිටියේය.
මීට අදාළ ගිවිසුම් සියල්ලම මේ වන විටත් සකස් කර අවසන් බවත්, කැබිනට් අනුමැතිය ලැබුණු පසු මැයි 12 වන දින ගිවිසුම් අත්සන් කිරීමට සැලසුම් කර තිබෙන බවත්, වෘත්තීය සමිති පෙරමුණ එහිදී සදහන් කළේය.
මෙය පරාජය කිරීමට ගත යුතු ක්‍රියාමාර්ග සම්බන්ධයෙන් අද (24) දා වරාය වෘත්තීය සමිති සියල්ලම රැස් වෙන බවත් ඔවුහූ වැඩිදුරටත් පවසා සිටියහ.