ගම්පහ බෙම්මුල්ල බදුවතුගොඩ ප්‍රදේශයේ ගෙවත්තකට ඇතුළු වී නිරුවතින් අශෝබන ලෙස හැසිරුනු බව කියන දුනේෂ් ප්‍රියශාන්ත හෙවත් කොණ්ඩයා අත්අඩංගුවට ගැනීම සඳහා පොලිසිය පරීක්ෂණයක් ආරම්භ කර ඇතැයි වාර්තා වේ.
තම ගෙවත්තට පැන එහි බැඳ සිටි එළදෙනක් අසල නිරුවතින් සිටි බවට ගම්පහ බෙම්මුල්ල බදුවතුගොඩ විශ්‍රාමික නාවික නිලධාරියෙකු විසින් කරන ලද පැමිණිල්ලකට අනුව මෙම පරීක්ෂණ පැවැත්වේ.
පොලිසිය පැවසුවේ ගෙවත්තේ තිබී දුනේෂ් ප්‍රියයශාන්ත ගේ බවට සැකකළ හැකි ඇදුම් කිහිපයක්ද සොයා ගැනීමට හැකිවී ඇති බවයි.
සැකකරු අත්අඩංගුවට ගැනීම සඳහා පොලිසිය අවස්ථා කිහිපයකදී ඔහුගේ නිවසට ගොස් ඇතත් ඔහු පොලිසිය මගහැර නිවසින් පලාගොස් සිටින බවද පැවසේ.