පාර්ලිමේන්තු මන්ත්‍රී පාඨලී චම්පික රණවක මහතාට විදෙස්ගත වීම සඳහා කොළඹ මහාධිකරණය අවසර ලබා දී තිබේ.
ඒ අනුව ලබන මැයි 13 වනදා සිට සැප්තැම්බර් මස 23 වනදා දක්වා මන්ත්‍රීවරයාට විදෙස්ගත වීම සඳහා කොළඹ මහාධිකරණ විනිසුරු දමිත් තොටවත්ත මහතා විසින් එම අවසරය ලබා දී ඇත.
එමෙන්ම පාඨලී චම්පික රණවක මන්ත්‍රීවරයාට එරෙහිව පනවා තිබූ විදෙස් ගමන් තහනම තාවකාලිකව ඉවත් කිරීම සඳහා ආගමන විගමන පාලකවරයා ඇතුළු බලධාරීන්ට නියෝගයක් නිකුත් කරන ලෙස ද විනිසුරුවරයා දැනුම් දී තිබේ.
2016 වසරේ රාජගිරිය ප්‍රදේශයේ දී සිදු වූ රිය අනතුරකට අදාළව පනවා තිබූ නඩුවේ පළමු සැකකරු ලෙස නම් කර සිටින පාඨලී චම්පික රණවක මහතාට එරෙහිව විදෙස්ගත වීම තහනම් කරමින් මීට පෙර නියෝගයක් නිකුත් කර තිබුණි.