ශ්‍රි ලංකා නිදහස් පක්ෂය කඩා ගෙන එළියට යෑමේ වාසිය එක්සත් ජාතික පක්ෂයට ලැබෙන බැවින් මේ මොහොතේ සියළු දෙනාම එක්ව ගමනක් යා යුතු බව , ධිවර හා ජලජ සම්පත් අමාත්‍ය මහින්ද අමරවීර මහතා පවසයි.
අමාත්‍යවරයා පෙරේදා (11) පැවති උත්සවයකට එක් වෙමින් මේ බව කියා සිටියේය.
පක්ෂය ගොඩ නැගීම වෙනුවෙන් පක්ෂය එක් කිරීම වෙනුවෙන් ඕනෑම කැප කිරීමක් සිදු කිරීමට සුදානම් බවත් , සියළු දෙනාම එකට එකතු වෙමින් ගමනක් යා යුතු බවත් අමාත්‍යවරයා පෙන්වා දුන්නේය.
ශ්‍රි ලංකා නිදහස් පක්ෂය දෙකඩවී නව පක්ෂයක් ඇතිවීම තුළ ඉදිරි මැතිවරණ වලදී එක්සත් ජාතික පක්ෂයට ජය හිමි වීම කිසිවෙකුටටත් නතර කල නොහැකි බවද අමාත්‍යවරයා එහිදී අවධාරණය කලේය.