අම්පාර දිස්ත්රික්කයේ රජයේ ක්ෂේත්‍ර නිලධාරීන් සදහා යතුරුපැදි ලබා නෙ බවට පසුගිය රජය විසින් ලබාදුන් පොරොන්දුව සම්බන්ධයෙන් මුදල් අමාත්‍ය රවී කරුණානායක මහත පාර්ලිමේන්තුවේදී කළ ප්‍රකාශයට විරෝධය පලකරමින් ඊයේ 12 අම්පාරේදී විරෝධතාවක් සංවිධානය කර තිබිණි.
“අම්පාරේ මාර්ග සියල්ල කාපට් කර සංවර්ධනය කර ඇති බවත් එම දිස්ත්රික්කයේ ප්රවාහන පහසුකම් නිසිපරිදි ඇති හෙයින් ක්ෂේත්‍ර නිලධාරින් හට යතුරු පැදි ලබාදිම අවශ්‍ය නැති බවට මුදල් අමාත්‍ය රවිකරුනානායක මහතා පාර්ලිමේන්තුවේදි ඉකුත් දිනක ප්‍රකාශ කර තිබුණි. ”
එම ප්‍රකාශයට විරෝධය පලකරමින්, පොරොන්දු වූ පරිදි තමන්ට යතුරුපැදි ලබා දෙන ලෙස බලකරමින් විරෝධයේ නිරත වූ ක්ෂේත්‍ර නිලධාරීන්, පා ගමනින් දිසාපති කාර්යාලය වෙත පැමිණ ගැටළුව සම්බන්ධයෙන් අම්පාර දිසාපතිවරයා සමග සාකච්ඡාවක් පැවැත්වූ අතර එය අසාර්ථක විය. අනතුරුව තම ඉල්ලීම් පිළිබඳව දිසාපතිට සංදේශයක් ලබාදුන් ඔවුන් දින 14 ක් ඇතුළත ඉල්ලීම් නොලැබුණ හොත් වෘත්තීය ක්‍රියාමාර්ගයකට එළබෙන බව ප්‍රකාශ කළෝය.