Colombo Today Local News

වල් අලියෙකුගේ පහරකින් පියෙක් මරු දකී

ගල්ගමුව, මහගල්කඩවල, නෙළුම්ගම, පදිංචිව සිටි එක් දරු පියෙකු වල් අලි පහරදීමකින් මියගොස් ඇතැයි ගල්ගමුව පොලිසිය පවසයි.

මරණකරු එගම පදිංචිව සිටි එම් එම් උපාලි නමැති පනස් හය හැවිරිදි පියෙකු බව පරීක්ෂණවලදි හඳුනා ගෙන ඇත.

ඔහුගේ ගෙවත්තට ඊයේ (27) රාත්‍රී දහයට පමණ වල් අලි දෙදෙනකු පැමිණ ඇති බවත්, ඒ අලි ගෙහිමියන් විසින් කෑ කෝ ගසාපලවා හරිනු ලැබ ඇතැයි අනාවරණය වී තිබේ.

එම සිද්ධියෙන් පැය භාගයකට පමණ පසු නැවත නිවස අසළින් ම ශබ්ද ඇසීම නිසා මේ පියා විදුලි පන්දම දල්වාගෙන මිදුලට පැමිණ ඇති බව ද, ඒත් සමඟ ම වැසිකිළියට මුවා වි සිටි අලියෙකු ඉදිරියට පැමිණ ඔහුට පහරදී ඇති බව පොලිසිය සඳහන් කරයි.

මේ ගෙවත්තට මුල් අවස්ථාවේම වල් අලි තිදෙනෙකු පැමිණ ඇති බවත්, ඉන් එකෙකු වැසිකිළියට මුවා වි සිටීම නිසා ඔහුට ඒ අලියා නොපෙනෙන්නට ඇතැයි පොලිසිය පවසයි. එසෙ රැඳී සිටි අලියා ඔහුට පහරදී ඇති බව ද ඔවුහු කියති.

වල් අලි පහරදීම නිසා බරපතළ තුවාල ලැබු ඔහු ගල්ගමුව මූලික රෝහලට රැගෙන විත් ඇතත් ඒ වන විටත් මියගොස් සිට ඇතැයි පරීක්ෂණවලදි අනාවරණය වු බව පොලිසිය පවසයි.

Related posts

මලියදේව ශාන්ත ආනා බිග් මැච් අතරතුර වාහන 20ක් අත්අඩංගුවට

colombotoday

ජාතික කොඩියට කෙලගසා ගිනිතැබිය යුතුයි – වටරැක විජිත හිමිට විරුද්ධ බොදු බලේ පැමිණිල්ල විභාගයට

colombotoday

කටාර් මුදල් ලබාගැනීම සහ ඔත්තු බැලීමේ චෝදනා – බහරේන් විපක්ෂ නායක ජීවිතාන්තය දක්වා හිරේට

colombotoday

“ගිවිසුම නීතිවිරෝධීයි.. හම්බන්තොට චීනෙට දුන්නොත් කොළඹ වරාය පිහිනුම් තටාකයක් වෙනවා” ඇමති විජේදාසගෙන් දැඩි විරෝධය

colombotoday

රෝහලෙන් පැන ගිය කොරෝනා ආසාදිතයා දුන් තොරතුරු අසත්‍යයි.. අතර මගදී නිවසකටත් පැනලා..

colombotoday

යුගදනවි යළි යථා තත්ත්වයට

colombotoday