World

රුසියාවෙන් යුක්‍රේනයේ ප්‍රදේශ කිහිපයකට මිසයිල ප්‍රහාර

රුසියාව යුක්‍රේනය හරහා උතුරේ Kharkiv සිට දකුණේ Odesa සහ බටහිරින් Zhytomyr දක්වා ඉලක්ක වෙත මිසයිල ප්‍රහාර දියත් කර ඇති බව විදෙස් මාධ්‍ය පවසයි.

Kharkiv සහ Odesa හි නේවාසික ගොඩනැගිලි සහ යටිතල පහසුකම් වලට හානි සිදුවී ඇති අතර ප්‍රදේශ කිහිපයක විදුලියද විසන්ධි වී ඇත.

මේ අතර එක්සත් ජනපද බුද්ධි අංශ ප්‍රධානියෙකු පවසා තිබෙන්නේ, යුද්ධය තවත් වසර ගණනාවක් පැවතිය හැකි බවයි.

රුසියානු ජනාධිපති ව්ලැඩිමීර් පුටින් සිය ආක්‍රමණය දියත් කළේ මීට වසරකට පමණ පෙරයි.

එතැන් සිට සටන්කරුවන් සහ සිවිල් වැසියන් දස දහස් ගණනක් මිය ගොස් හෝ තුවාල ලබා ඇති අතර මිලියන ගණනක් යුක්‍රේනියානුවන් සරණාගතයින් බවට පත්ව තිබේ.

මිසයිල ප්‍රහාරයක් ඔඩේසා වරාය නගරයේ බලශක්ති මධ්‍යස්ථානයකට එල්ල වීමෙන් පසු විදුලිය විසන්ධි කිරීමට හේතු වූ බවයි එහි ආණ්ඩුකාර මැක්සිම් මාර්චෙන්කෝ පවසයි.

නේවාසික ප්‍රදේශවලට හානි සිදුව ඇති නමුත් ජීවිත හානි කිසිවක් වාර්තා වී නොමැති බවද ඔහු වැඩිදුරටත් පවසයි.

එක්සත් ජනපද ජාතික බුද්ධි අධ්‍යක්ෂ Avril Haines පවසන්නේ ජනාධිපති පුටින් වසර ගණනාවක් යුද්ධය ඇදගෙන යාමට සැලසුම් කරන නමුත් නව ප්‍රහාර දියත් කිරීමට තරම් රුසියාව ශක්තිමත් නොවන බවයි.

Related posts

ඉස්ලාම් රාජ්‍ය ත්‍රස්තවාදීන්ට ඇමෙරිකන් හමුදා ඩ්‍රෝන ප්‍රහාර

colombotoday

දකුණු පිලිපීනයේ භූකම්පනයක්

colombotoday

සිරියානු ගුවන්යානයක් ISIS ප්‍රහාරයෙන් විනාශයි – නියමුවා ත්‍රස්තවාදීන් යටතට

colombotoday

ට්‍රම්ප්ගේ මතභේදාත්මක ප්‍රකාශ ඉවත් නොකිරිමට එරෙහිව වැඩ වර්ජනය කල ෆේස්බුක් සේවකයින්

colombotoday

අමෙරිකාව සහ කෙන්යාව ආරක්ෂක ගිවිසුමකට අත්සන් තබයි

Admin

මෙක්සිකෝ බන්ධනාගාරයකට වෙඩි ප්‍රහාරයක්: සිරකරුවෝ විශාල පිරිසක් පැන යති

Admin