ඩුබායි රටේ සිටින මෙරට ප්‍රධාන පෙළේ මත්ද්‍රව්‍යජාවාරම්කරුවකු සහ සංවිධානාත්මක අපරාධ කල්ලි නායකයකු ලෙස සැලකෙන පරවි සුදා ගේ මත්ද්‍රව්‍ය ජාවාරම් සහ අපරාධ මෙහෙයවන බව කියන ඔහුගේ ප්‍රධානතම ගෝලයකු ඩුබායි රටට පලා යෑමට පැමිණ සිටි අවස්ථාවේ කටුනායක ගුවන් තොටුපළේ දී සැකපිට අත්අඩංගුවට ගෙන තිබේ.
සැබෑ නම වෙනුවට වෙනත් නමක් යොදා සකස් කර ගත් ව්‍යාජ විදෙස් ගමන් බලපත්‍රයකින් මොහු ඩුබායි රටට පලා යෑමට පලා යෑමට උත්සාහ කර ඇතැයි පොලීසිය පවසයි.
එම ව්‍යාජ විදෙස් ගමන් බලපත්‍රය ද සැකකරු ළඟ තිබී පොලිස් භාරයට ගෙන තිබේ.
ඩුබායි රටේ සැඟව සිට මත්ද්‍රව්‍ය ජාවාරම් සහ අපරාධ මෙහෙයවන බවට සැලකෙන පරවි සුදා නැමැත්තා මොහු එරටට ගෙන්වා ගැනීමට කටයුතු කර ඇති බවත් පොලිස් ආරංචි ආරංචිමාර්ග වලින් දැන ගැනීමට තිබේ. ඩුබායි රටට පලා යෑමට පැමිණි අවස්ථාවේ මොහු සැකපිට අත්අඩංගුවට ගෙන ඇත්තේ රාජ්‍ය බුද්ධි සේවාවේ කටුනායක ඒකකයේ පොලිස් නිලධාරීන් විසිනි.