මිනිස් සිරුරුවලින් කම්පෝස්ට් පොහොර සැකසීම සඳහා අමෙරිකාවේ නිව් යෝර්ක් ප්‍රාන්තය අනුමැතිය ලබා දී තිබේ.
ඒ අනුව, මරණයෙන් පසු සිය මෘත දේහය කම්පෝස්ට් පොහොර බවට පත් කිරීම සඳහා නිව් යෝර්ක් වැසියන්ට අවස්ථාව හිමි වෙයි.
“ස්වාභාවික කාබනිකහරණය” යනුවෙන් හැඳින්වෙන මෙම ක්‍රමයේදී සිදු කෙරෙන්නේ, මිනිස් මෘත දේහ සති කිහිපයක් බහාලුමක තබා ජීරණය කිරීම ය.
මෙය භූමදානය හෝ ආදාහනය කිරීමට වඩා පරිසර හිතකාමී බව පරිසරවේදීහු පවසති.
අමෙරිකාවේදී මෙය පළමු වරට 2019 වසරේදී නීතිගත කෙරුණු අතර පසුව කොලරාඩෝ, ඔරිගන්, වර්මොන්ට් සහ කැලිෆෝනියා යන ප්‍රාන්තවල ද මෙය ආරම්භ කෙරිණි.
ඒ අනුව, මෙම ක්‍රමය ආරම්භ කරන 6 වන ප්‍රාන්තය බවට නිව් යෝර්ක් ප්‍රාන්තය පත් වෙයි.