බණ්ඩාරගම හද්දාගොඩ ප්‍රදේශයේ ත්‍රිරෝද රථ රියදුරෙක් සිය සිරුරට ගිනි තබාගෙන පසුව ත්‍රිරෝද රථයට ද ගිනි තබා තිබේ.
අදාළ සිදුවීමෙන් බරපතළ තුවාල ලැබු 54 හැවිරිදි දෙදරු පියා මේ වනවිට හොරණ මුලික රෝහලේ දැඩි සත්කාර ඒකකයේ ප්‍රතිකාර ලබමින් සිටී.
පවුල් ආරවුලක් හේතුවෙන් මෙලෙස සිරුරට ගිනි තබාගෙන ඇති බවට පොලීසිය සිදුකළ මුලික විමර්ශනයේ දී අනාවරණය වී ඇතැයි බණ්ඩාරගම පොලීසිය පවසයි.
අදාළ පුද්ගලයාගේ සිරුර දැඩි ලෙස පිළිස්සී ඇතැයි වාර්තා වේ.
ත්‍රිරොද රථය ද ගින්නෙන් සම්පුර්ණයෙන්ම විනාශ වී ඇතැයි පොලීසිය සඳහන් කරයි.
සිද්ධිය සම්බන්ධයෙන් බණ්ඩාරගම පොලීසිය වැඩිදුර පරීක්ෂණ පවත්වයි.