විදුලි කණුවක් නිවසක් මතට කඩාවැටීම නිසාවෙන් ලංකා විදුලි බල මණ්ඩලයේ මහනුවර ශාඛාවේ නඩත්තු අංශයේ සේවකයන් පිරිසකට බහිරවකන්ද ප්‍රදේශයේ පිරිසක් විසින් පහරදී තිබේ.
එම විදුලි කනුව වැටීමෙන් නිවසට දැඩි අලාභහානි සිදුව තිබෙන බව ද වාර්තා වී ඇත.
අදාළ පහරදීම සිදුව ඇත්තේ කඩා වැටුන විදුලි කනුව ඉවත්කිරීමට ලංකා විදුලි බල මණ්ඩලයේ මහනුවර ශාඛාවේ නඩත්තු අංශයේ නිලධාරින් සමග සේවකයින් පස් දෙනෙකු එම ස්ථානයට පැමිණ ඇති අවස්ථාවේදීය.
පහර කෑ නිලධාරීන් දෙදෙනෙකු සහ එක් සේවකයෙකු මහනුවර මහ රෝහලේ මේ වන විට නේවාසිකව ප්‍රතිකාර ලබන බව වාර්තා වී ඇත.
පහරදුන් පිරිස පලාගොස් තිබෙන අතර සැකකරුවන් සොයා පොලිස් කණ්ඩායමක් යොදවා තිබෙන බව මහනුවර කොට්ටඨාසය භාර ජෙ.පොලිස් අධිකාරිවරයා සඳහන් කර ඇත.