මිල්කෝ සමාගමේ සභාපති රේණුක පෙරේරා ඇතුළු එහි අධ්‍යක්ෂ මණ්ඩලයේ සාමාජිකයින් බලහත්කාරයෙන් සිරකර තබාගැනීමේ චෝදනාව මත අත්අඩංගුවට ගත් එහි සේවකයින් 13දෙනා රුපියල් ලක්ෂ 5 බැගින් වූ ශරීර ඇප මත මුදාහැර තිබේ.
ඔවුන් කොටුව මහේස්ත්‍රාත් අධිකරණයට අද (26)දින ඉදිරිපත් කිරීමෙන් අනතුරුව මෙම නියෝගය ලබාදී ඇති බවයි සඳහන් වේ.
මිල්කෝ සමාගමේ සභාපති රේණුක පෙරේරා ඇතුළු අධ්‍යක්ෂ මණ්ඩල සාමාජිකයින් කිහිප දෙනෙකු කාර්යාලයෙන් පිටවීම වැළැක්වීමට එහි සේවකයින් පිරිසක් ඊයේ පස්වරුවේ කටයුතු කර තිබුණි.
සේවක දීමනා ගැටලුවක් සම්බන්ධයෙන් ගැනුණු තීන්දුවක් මුල් කරගනිමින් එලෙස කටයුතු කර ඇති බවයි සඳහන් වේ.