යුක්තිය මෙහෙයුම යටතේ මට්ටක්කුලිය කදිරානවත්ත ප්‍රදේශයේදී මහා පරිමාණ මත්ද්‍රව්‍ය ජාවාරම්කරුවකුට අයත් හෙරොයින් තොගයක් පොලිස් භාරයට ගෙන තිබේ.
එහිදී හෙරොයින් ග්‍රෑම් 22ක් සමග පුද්ගලයෙකු ද අත්අඩංගුවට ගත් බව මට්ටක්කුලිය පොලීසිය සඳහන් කරයි.
මෙලෙස අත්අඩංගුවට ගෙන ඇත්තේ “කදිරානවත්තේ ගෝනා” නමැති 45 හැවිරිදි සැකකරුවෙකි.
බස්නාහිර පළාත් බුද්ධි කොට්ඨාසයේ නිලධාරියෙකුට ලැබී තිබු තොරතුරක් අනුව වැටලීම සිදුකර ඇත.
දෙමහල් නිවසක් තුළ අදාළ සැකකරු සැඟවී සිටි බවද පොලීසිය පවසයි.