ඉන්දු – ලංකා තාක්ෂණ සහයෝගිතා ගිවිසුම හෙවත් “එට්කා“ ගිවිසුම කඩිනමින් සකස් කර අවසන් කිරීමට බලාපොරොත්තු වන බව සංවර්ධන උපාය මාර්ග සහ ජාත්‍යන්තර වෙළද අමාත්‍ය මලික් සමරවික්‍රම මහතා පවසයි.
දිවයිනට පැමිණ සිටින ඉන්දීය වාණිජ කටයුතු ඇමතිනී නිර්මලා සීතාරාමන් සමග සාකච්ඡා කිරීමෙන් පසු ඒකාබද්ධ මාධ්‍ය හමුවකට ඊයේ (27) එක්වෙමින් ඔහු මේ බව කියා සිටියේය.
කෙසේ වෙතත් සියලු පාර්ශවයන් සමග සාකච්ඡා කර එය අත්සන් කරන බවත්, කඩිනමින් ගිවිසුම් අත්සන් කිරීමේ අවශ්‍යතාවයක් නොමැති බවද එහිදී අමාත්‍යවරයා ප්‍රකාශ කළේය.
එහිදී මාධ්‍ය ඇමතු ඉන්දීය වාණිජ කටයුතු ඇමතිනි නිර්මලා සීතාරාමන් මහත්මිය පැවසුවේ ශ්‍රී ලංකාව සමග අත්සන් කෙරෙන එට්කා ගිවිසුම අගය කරන බවත්, කාලසීමාවන්හි බාධාවක්, පීඩාවක් නැතිව හැම කරුණක් ගැනම දෙපාර්ශවයම එකඟතාවයකට ආ යුතු බව ඇය එහිදී පැවසුවාය.