ත්‍රස්‌තවාදය වැළැක්‌වීමේ පනත යටතේ අත්අඩංගුවේ සිටින රැඳවියන් 96 දෙනාගෙන් 23 දෙනෙකුගේ දඬුවම් ලිහිල් කිරීමට රජයේ අවධානය යොමු වී ඇත.
මේ සම්බන්ධයෙන් නීතිපතිවරයා සමග සාකච්ඡා කළ බව බන්ධනාගාර ප්‍රතිසංස්කරණ, පුනරුත්ථාපන, නැවත පදිංචි කිරීමේ හා හින්දු ආගමික කටයුතු ඇමති ඩී.එම්. ස්වාමිනාදන් මහතා මාධ්‍ය වෙත පැවසීය.
ඒ අනුව දඬුවම් ලිහිල් කරන රැඳවියන්ගේ කැමැත්ත මත මාස 6 ක කාලයක්‌ පුනරුත්ථාපන කාර්යාංශය හරහා පුනරුත්ථාපනය කොට සමාජගත කිරීමට නියමිතය.
ත්‍රස්‌තවාදය වැළැක්‌වීමේ පනත යටතේ අත්අඩංගුවේ සිටින රැඳවියන් 96 දෙනාට මහාධිකරණයේ අධිචෝදනා ද ගොනු කර ඇත.
මෙලෙස රැදවුම් භාරයේ සිටින්නේ බස්රථවල හා දුම්රියවල බෝම්බ තැබූවන්, ගුවන් යානාවලට ප්‍රහාර එල්ල කළ හා සැළසුම්කළ දරුණු ගණයේ හිටපු කොටි ත්‍රස්තයන් බව ඉහළ පෙළේ ආරක්ෂක ආරංචි මාර්ග පවසයි.