දකුණු මුහුදේදී පොලිස් භාරයට ගනු ලැබූ යාත්‍රාවේ තිබී සොයාගත් රුපියල් කෝටි 100කට අධික වටිනාකමින් යුතු කුඩු තොගය මෙරටට ගෙන්වූ ජාවාරමේ මහමොළකරු කටුනායක ගුවන් තොටුපලේදී අද අළුයම අත්අඩංගුවට ගෙන තිබෙනවා.
මොහු කළුබෝවිල පදිංචි මොහොමඩ් මුවාස් මොහොමඩ් නමැත්තෙකු වන අතර පොලිස් මාධ්‍ය ප්‍රකාශක කාර්යාලය පැවසුවේ මොහු ඉන්දියාවේ සිට මෙරටට පැමිණෙමින් සිටියදී පොලිස් මත්ද්‍රව්‍ය කාර්යාංශය විසින් අත්අඩංගුවට ගත් බවයි.
ලංකවට රැගෙන එමින් තිබූ හෙරොයින් කිලෝග්‍රෑම් 110ක් දකුණු මුහුදේදී පසුගියදා අත්අඩංගුවට ගනු ලැබුවේ නාවික හමුදාව සහ පොලිස් මත්ද්‍රව්‍ය නාශක කාර්යාංශය සිදුකළ ඒකාබද්ධ මෙහෙයුමකින් අනතුරුවයි.
අදාළ යාත්‍රාවේ සිටි පකිස්ථාන ජාතිකයෙකු සහ ඉරාන ජාතිකයන් දස දෙනෙකු ඇතුළුව 14 දෙනෙකු මෙහිදී අත්අඩංගුවට ගෙන තිබෙනවා.