Colombo Today Local News

ගෑස් මිල වැඩිවෙන්නේ නෑ – රජයෙන් සහතිකයක්

ගෘහස්ත ගෑස් සිලින්ඩරයක මිල නොවෙනස්ව පවත්වාගෙන යා යුතු බවට කැබිනට් මණ්ඩලය විසින් තීරණය කර තිබේ.

අද (22)දින පැවති කැබිනට් තීරණ දැනුම්දීමේ මාධ්‍ය හමුවට එක්වෙමින් අමාත්‍ය කෙහෙළිය රඹුක්වැල්ල මහතා විසින් මේ බව පැවසීය.

ඒ අනුව ගෑස් සමාගම් නියෝජිතයින් සමඟ සාකච්ඡා කර අමාත්‍ය මණ්ඩල අනුකාරක සභාව නිර්දේශ කිහිපයක් ඉදිරිපත් කර තිබේ.

එහිදී පාරිභෝගික කටයුතු පිළිබඳ අධිකාරිය විසින් දැනට නියම කර ඇති පරිදි කිලෝග්‍රෑම් 12.5ක ගෘහස්ත ගෑස් සිලින්ඩරයක් රු 1,493ක මිලට ලිට්‍රෝ ගෑස් සමාගම සහ ලාෆ් ගෑස් සමාගම විසින් තවදුරටත් වෙළෙඳපොළේ අලෙවි කළ යුතුය.

එමෙන්ම ගෑස් මිල දී ගැනීම, ප්‍රවාහනය සහ ගබඩා කිරීම සමාගම් දෙක විසින්ම ඒකාබද්ධව සිදුකිරීම සහ ඒ සඳහා හම්බන්තොට ගෑස් පර්යන්තය යොදා ගත හැකිය.

රටට අවශ්‍ය LP ගෑස් මිල දී ගැනීමට අදාළ ප්‍රසම්පාදන කටයුතු, විධිමත්ව පවත්වාගෙන යාම සඳහා ලිට්‍රෝ ගෑස් සමාගමේ සහ ලාෆ් සමාගමේ නියෝජිතයින් ද ඇතුළත් අදාළ ක්ෂේත්‍රය පිළිබඳ විශේෂඥ දැනුම සහිත නිලධාරීන්ගෙන් සමන්විත කමිටුවක් පත්කිරීමට ද එහිදී නිර්දේශය හිමිව තිබේ.

අනුකාරක සභාව විසින් නිර්දේශිත ක්‍රමවේදය ඉදිරි මාස 6 තුළ ක්‍රියාත්මක කර එහි ප්‍රගතිය මත ඉදිරි පියවර ගැනීමට ද නියමිතය.

මේ පිළිබඳ වැඩිදුරටත් අදහස් දැක්වු අමාත්‍යවරයා,

“මොනම හේතුවක් නිසාවත් මේ වෙලාවේ තියෙන තත්ත්වය තුළ ජනතාවට පීඩනයකට ලක්වීමට ඉඩදෙන්න බෑ. වර්තමානයේ සහතියක් දෙන එක තමයි අපි කරන්නේ. රජයක් ලෙස අපි කුමන පාඩුවක් ලැබුවත් එය රජය යම් ක්‍රමවේදයක් තුළ හසුරුවා ගන්නා අතර මිල වැඩිකිරීමක් කිරීමට බලාපොරොත්තුවක් නෑ.“

Related posts

ආගමික සිද්ධස්ථානයන්හි පුද්ගල එක්රැස්වීමට අවසර

colombotoday

ඇමරිකානු ප්‍රහාරක නැව් 6ක් කොළඹ වරායට

colombotoday

ලක්ෂ තුනහමාරක් වටිනා සොරාගත් රන් මාලය ගිලලා..

colombotoday

“මගෙන් රටට” සංජය මහවත්තට එරෙහිව NSBM මානව සම්පත් කලමණාකාරිනිය පොලීසී යයි

colombotoday

ගතවූ පැය 24 තුළ බස්නාහිර පළාතේ පුද්ගලයින් 1,141 අත්අඩංගුවේ

colombotoday

දුම්රිය හෙට සිට ගමනේ – ගොඩවිය හැක්කේ අත්‍යවශ්‍ය සේවාවල අයට පමණයි

colombotoday