Colombo Today Local News

ආණ්ඩුවට විරුද්ධ මත දරන අයව මේ විදිහට මර්දනය කරන්න ඉඩ දෙන්න බෑ

උතුරේ මහ විරු සැමරුම් පිළිබඳ ෆේස්බුක් සටහන් තබන අය නොව එම සැමරුම් සිදු කළ අය අත්අඩංගුවට ගන්නා ලෙස අධිකරණය නියෝග කර ඇති පසුබිමක එය නොතකා ශ්‍රී ලංකා පොදු ජන පෙරමුණේ පරිපාලන ලේකම් රේණුක පෙරේරා මහතා අත්අඩංගුවට ගැනීම බරපතල තත්ත්වයක් බව එම පක්ෂයේ ලේකම් නීතිඥ සාගර කාරියවසම් මහතා පවසයි.

“අපි දන්න රේණුක පෙරේරා නම් ජාතිවාදියෙක් නෙවෙයි. අසූඅට අසූ නවයේ ජනතා විමුක්ති පෙරමුණ ජාතිවාදීව කටයුතු කරමින් සිටින විට ඊට විරුද්ධව සටන් කරපු කෙනෙක්. එක අතකින් අපි සතුටු වෙනවා පොදුජන පෙරමුණට මේ ආණ්ඩුව මෙච්චර බය වෙලා තියෙන එක

ගැන. මාලිමා ආණ්ඩුවේ මහජන ආරක්ෂක ඇමැතිම පාර්ලිමේන්තුවේදී කිව්වා මහ විරු සැමරුම් කීයක් තිබුණද ඒවායෙන් කීයක එල්ටීටීයට සම්බන්ධ සලකුණු යොදාගත්තද කියන කාරණය. දැන් තියෙන්නේ ඒවා හොයන්න.

මාලිමාව බලය ගත්තේ බොරුව වපුරලා වෛරය ඇති කරලා. එනිසා අපි කියනවා කරුණා කරලා මේ වැඩ නතර කරලා එදා පොරොන්දු වෙච්ච විදිහට බදු බර අඩු කරලා ජනතාවට සහන දෙන්න කියලා. අපි හෙළා දකිනවා රේණුක පෙරේරාව අත්අඩංගුවට ගැනීම ගැන. ආණ්ඩුවට විරුද්ධ මත දරන අයව මේ විදිහට මර්දනය කරන්න ඉඩ දෙන්න බෑ.”

බත්තරමුල්ලේ නෙළුම් මාවතේ පිහිටි පොදු ජන පෙරමුණේ මූලස්ථානයේ පැවති ප්‍රවෘත්ති සාකච්ඡාවේදී ඊයේ (05) ඔහු මේ බව කීවේය.

Related posts

රට ගැන සිතා රිෂාඩ් ට විරුද්ධව ඡන්දය දෙනවා – රාජ්‍ය ඇමති වසන්ත

colombotoday

සර්වපාක්ෂික සමුළුවේදී මුස්ලිම් මරණ ආදාහන ගැටලුව ඇවිලෙයි – සම්පුර්ණ වීඩියෝව

colombotoday

මහජන සෞඛ්‍ය පරීක්ෂකවරුන්ගෙන් අනතුරු ඇගවීමක්

colombotoday

කොටි ගුවන් හමුදාවේ නියෝජ්‍ය නායකයා නඩු නැතිවම නිදහස්

colombotoday

කකුලෙන් අදින අයට පක්ෂයෙන් ඉවත් වෙන්නැයි සජිත් කියයි

colombotoday

ගීතාගේ පුටුවේ වාඩිවූ පියසේන රාජ්‍ය ඇමතිකමකට වැඩි යමක් ඉල්ලයි !!

colombotoday