Colombo Today Local News

ආණ්ඩුවට විරුද්ධ මත දරන අයව මේ විදිහට මර්දනය කරන්න ඉඩ දෙන්න බෑ

උතුරේ මහ විරු සැමරුම් පිළිබඳ ෆේස්බුක් සටහන් තබන අය නොව එම සැමරුම් සිදු කළ අය අත්අඩංගුවට ගන්නා ලෙස අධිකරණය නියෝග කර ඇති පසුබිමක එය නොතකා ශ්‍රී ලංකා පොදු ජන පෙරමුණේ පරිපාලන ලේකම් රේණුක පෙරේරා මහතා අත්අඩංගුවට ගැනීම බරපතල තත්ත්වයක් බව එම පක්ෂයේ ලේකම් නීතිඥ සාගර කාරියවසම් මහතා පවසයි.

“අපි දන්න රේණුක පෙරේරා නම් ජාතිවාදියෙක් නෙවෙයි. අසූඅට අසූ නවයේ ජනතා විමුක්ති පෙරමුණ ජාතිවාදීව කටයුතු කරමින් සිටින විට ඊට විරුද්ධව සටන් කරපු කෙනෙක්. එක අතකින් අපි සතුටු වෙනවා පොදුජන පෙරමුණට මේ ආණ්ඩුව මෙච්චර බය වෙලා තියෙන එක

ගැන. මාලිමා ආණ්ඩුවේ මහජන ආරක්ෂක ඇමැතිම පාර්ලිමේන්තුවේදී කිව්වා මහ විරු සැමරුම් කීයක් තිබුණද ඒවායෙන් කීයක එල්ටීටීයට සම්බන්ධ සලකුණු යොදාගත්තද කියන කාරණය. දැන් තියෙන්නේ ඒවා හොයන්න.

මාලිමාව බලය ගත්තේ බොරුව වපුරලා වෛරය ඇති කරලා. එනිසා අපි කියනවා කරුණා කරලා මේ වැඩ නතර කරලා එදා පොරොන්දු වෙච්ච විදිහට බදු බර අඩු කරලා ජනතාවට සහන දෙන්න කියලා. අපි හෙළා දකිනවා රේණුක පෙරේරාව අත්අඩංගුවට ගැනීම ගැන. ආණ්ඩුවට විරුද්ධ මත දරන අයව මේ විදිහට මර්දනය කරන්න ඉඩ දෙන්න බෑ.”

බත්තරමුල්ලේ නෙළුම් මාවතේ පිහිටි පොදු ජන පෙරමුණේ මූලස්ථානයේ පැවති ප්‍රවෘත්ති සාකච්ඡාවේදී ඊයේ (05) ඔහු මේ බව කීවේය.

Related posts

ඉන්දියාවෙන් පැන ආ තවත් පවුලක් ගුරුනගර් වලදී අල්ලයි

colombotoday

විදේශ රැකියා අපෙක්ෂකයන්ගේ පොලිස් සහතිකය නිකුත් කිරීමේදි ලිහිල් ප්‍රතිපත්තියක්

Admin

මුහුදේ මාළු අල්ලමින් සිටියදී තරුණයෙක් දියේ ගිලී ජීවිතක්ෂයට

Admin

මාතර ආසන හතම මේ පාර මාලිමාවට

Admin

ගුරු වර්ජණයෙන් පාසල් සියයට 90ක වැඩකටයුතු අඩපණයි…

colombotoday

රත්මලාන මුහුදු වෙරළේ නාඳුනන පිරිමි මළ සිරුරක්

colombotoday