හිටපු විදේශ රැකියා ප්‍රවර්ධන අමාත්‍ය මනුෂ නානායක්කාර කොරියාව රැකියාවලට තරුණයන් යවන මුවාවෙන් මිනිස් ජාවාරමක නිරතව ඇතැයි විදේශ සේවා නියුක්ති කාර්යාංශය පවසයි.
එහි සභාපති කෝසල වික්‍රමසිංහ චෝදනා කළේ, E8 කාණ්ඩය යටතේ රැකියා අවස්ථා ලබා ගැනීම පිළිබඳ කැබිනට් පත්‍රිකාව සාකච්ඡාවේ පවතින අතර හිටපු ඇමැතිවරයා පෞද්ගලිකව ගිවිසුම් අත්සන් කොට වීසා ලබා දී රැකියා ඒජන්සි මාර්ගයෙන් තරුණයන් කොරියාවට යැවීමට කටයුතු කර ඇති බවටයි.
අදාළ රැකියා ගිවිසුම් පිළිබඳ විදේශ සේවා නියුක්ති කාර්යාංශය කිසිවක් නොදැන සිටි බව ද එම වීසා නිත්‍යානුකූල කිරීමේ හැකියාවක් නොමැති බව ද සභාපතිවරයා අවධාරණය කරයි. සභාපති කෝසල වික්‍රමසිංහ වැඩි දුරටත් සඳහන් කළේ මේ පිළිබඳ අපරාධ පරීක්ෂණ දෙපාර්තමේන්තුවට ද පැමිණිලි කළ අතර ඉදිරියේ දී නිත්‍යානුකූල ක්‍රියාමාර්ග ගන්නා බවයි