Colombo Today Local News

මැ.කෝ ගේ තීන්දුවක් ශ්‍රේෂ්ඨාධිකරණය අත්හිටුවයි

කලින් ” සිංහල රාවය” නමින් හැඳින්වූ ලංකා ජාතික පක්ෂයේ කටයුතු අත්හිටුවීමට මැතිවරණ කොමිසම ගත් තීරණය අත්හිටුවීමට නියෝග කළ ශ්‍රේෂ්ඨාධිකරණය එම පක්ෂයට මෙවර මහ මැතිවරණය සඳහා තරග කිරීමට අවසර දුන්නේය.

ශ්‍රේෂ්ඨාධිකරණය මෙසේ අවසර දුන්නේ එම පක්ෂයේ මහ ලේකම් සාලික පෙරේරා මහතා ගොනුකර තිබූ පෙත්සමක් සලකා බැලීමෙන් පසුවය.

මෙම පෙත්සම වැඩ බලන අගවිනිසුරු මුර්දු ප්‍රනාන්දු, ශ්‍රේෂ්ඨාධිකරණ විනිසුරුවන් වන දිලිප් නවාස් සහ ජනක් ද සිල්වා යන මහත්ම මහත්මින්ගෙන් සමන්විත ශ්‍රේෂ්ඨාධිකරණ විනිසුරු මඩුල්ලක් හමුවේ සලකා බැලිණි.

මෙම පෙත්සමේ වග උත්තරකරුවන් වශයෙන් මැතිවරණ කොමිසම ඇතුළු පිරිසක් නම්කරනු ලැබ සිටිති.

මෙම පක්ෂයේ සභාපති වන අක්මීමන දයාරතන හිමියන් සහ විධායක කමිටුව අතර ඇති වූ අර්බුදයක් හේතුවෙන් පක්ෂයේ කටයුතු අත්හිටුවීමට මැතිවරණ කොමිසම තීරණය කර තිබිණැයි සඳහන් වේ.

එම තීරණය නීතියට පටහැනි බවත් ඒ හේතුවෙන් තම පක්ෂයට ඉදිරි මහ මැතිවරණයට තරග කිරීමට නොහැකි වන තත්වයක් උදාවී ඇති බැවින් මෙම තීරණය බල රහිත කරන නියෝගයක් නිකුත් කරන ලෙස පෙත්සම්කරු සිය පෙත්සමෙන් ඉල්ලා සිටියේය.

පෙත්සම්කරු වෙනුවෙන් නීතිඥ හෆීල් ෆාරිස් මහතා පෙනී සිටියේය.

නීතිපති වෙනුවෙන් නියෝජ්‍ය සොලිසිටර් ජනරාල් යුරේෂා ද සිල්වා මහත්මිය පෙනී සිටියාය.

– රන්ජන් කටුගම්පොළ

Related posts

ගමේ ගිය අයට කොළඹ එන්න ඇමති කීව තරම් බස් නෑ.. නගර රැසක දිග පෝලිම් !

colombotoday

“ඡන්දයක් ආවොත් ආණ්ඩුවට ඇපත් නෑ.. මල් පොහොට්ටුව උඩින්ම දිනනවා“ ආචාර්ය නිර්මාල්

colombotoday

සාලාව අවි ගබඩාව පිපිරෙව්වා.. ඉතිරි බර අවි මූදට දැම්මා – විමල් ආන්දෝලනාත්මක හෙළිදරව්වක

colombotoday

මහින්දට වඩා මට විවිධ විෂයන් ගැන ඉතා ගැඹුරු දැනුමක් තිබෙනවා.. මා සමග මහින්ද සසදන්න එපා..- සජිත්

colombotoday

මට බෝම්බ ගහපු මොරිස් හිරේ ඉදන් call කරනවා. – සරත් ෆොන්සේකා කියයි

colombotoday

කෝප් සභාපතිට මැතිසබේ විරෝධයක්… – විපක්ෂ නායක විමර්ශනයක් ඉල්ලයි

Admin