ජාතික ජන බලවේගය විසින් පසුගිය ජනාධිපති මැතිවරණ කාලයේදී ඉදිරිපත් කළ ප්‍රතිපත්ති ප්‍රකාශනය ක්රියාත්මක කළ හැක්කේ ජාතික ජන බලවේග නව රජයක් යටතේ බව කැබිනට් ප්‍රකාශක ඇමති විජිත හේරත් මහතා සඳහන් කරයි.
දැනට පවතින්නේ ජාතික ජන බලවේගයේ ජනාධිපතිවරයෙක් පමණක් බවත් ජාතික ජන බලවේග රජයක් පත්ව නැති බවත් හෙතෙම පැවසීය.
එනිසා ජාතික ජන බලවේග රජයක් පිහිටුවීමට සහාය දෙන ලෙසද ඉල්ලා සිටින සිටින බවත් ඔහු කියා සිටියේය.
රජයේ ප්‍රවෘත්ති දෙපාර්තමේන්තුවේදී අද පැවැති කැබිනට් තීරණ දැනුම් දීමේ මාධ්‍ය හමුවේදී හෙතෙම මෙම අදහස් පළ කළේය.