Colombo Today Local News

හොරු අල්ලන්න තොරතුරු තියනවනම් අපිට දෙන්න

රට තුළ පසුගිය රජයන් යටතේ සිදුකර ඇති දූෂණ අක්‍රමිකතා සම්බන්ධයෙන් තොරතුරු පවතී නම් දූෂණ විරෝධී හඬ සංවිධානයට ලබාදෙන ලෙස එම සංවිධානයේ කැඳවුම්කරු වසන්ත සමරසිංහ මහතා මහජනතාවගෙන් ඉල්ලා සිටී. ජාතික ජන බලවේගය හොරු සමග ඔට්ටු සෙල්ලම් නොකරන බවද ඔහු පවසයි.

අනුර කුමාර දිසානායක මහතා පසුගිය මස 23 වැනිදා ජනාධිපතිවරයා ලෙස දිවුරුම් දී 24 වැනිදා කුඩාම කැබිනට් මණ්ඩලය පත්කර මූල්‍ය අක්‍රමිකතා සිදුකළ පිරිස්වලට එරෙහිව ජනතාව බලාපොරොත්තු වූ පරිදි නීතිය ක්‍රියාත්මක කිරීමට පටන්ගෙන තිබෙන බවත් සමරසිංහ මහතා පැවසීය.

නව රජයට නීතිය ක්‍රියාත්මක කිරීම සඳහා මහජනතාව ලබාදෙන තොරතුරු ද ඉතා වැදගත් බවත් එම තොරතුරු සමග මූල්‍ය අක්‍රමිකතා සහ නීති විරෝධී වැඩ කළ පුද්ගලයන්ට නීතිය ක්‍රියාත්මක කිරීම අධිකරණයන් හරහා සිදුවන ආකාරය මහජනතාවට දැකබලා ගත හැකි බවත් සමරසිංහ මහතා කීය.

චෝදනා එල්ල වී ඇති අයම තමන්ට එරෙහිව නීතිය කඩිනමින් ක්‍රියාත්මක කරන ලෙස ඉල්ලා සිටින බවත් එය කඩිමුඩියේ නොව සාක්ෂි සහිතව තොරතුරු ලබාගෙන කළ යුතු නිසා ක්‍රමානුකූලව සිදුකිරීමට යම් කාලයක් ගතවන බවත් ඒ මහතා කියාසිටියේය.

චමින්ද සිල්වා
– Divaina

Related posts

පොල් මිල අහස උසට

Admin

ඤාණසාර හිමිගේ විහාරස්ථානයට ආරක්ෂාව ඉල්ලයි… වැලිකඩ පොලිසිය බෑ කියයි…

colombotoday

පොහොට්ටුවට ඡන්ද ගන්න වෙන්නේ සියදිවි නසා ගන්නවා කියලයි – ඇමති ලක්ෂ්මන් යාපා

colombotoday

ෂාෆිගෙන් සැත්කම් කළ පසු දරුවන් අහිමිවූ මව්වරුන් 200කගෙන් පැමිණිළි…

colombotoday

මහ සඟරුවන සියක්‌ නමක්‌ යාපනය මහ රෝහලේදී ලේ පරිත්‍යාග කරති (Photo)

colombotoday

නූල්කඳුර බස් රථයක් පාලමකින් පෙරළී අනතුරක් සිදුවේ

Admin