ජනාධිපති අගමැති ඇතුළු නායකයන් රටට අදර්ශමත් විය යුතුබවත්, ඔවුන් මහා සංඝරත්නයේ අනුශාසනා කෙරෙහි අවධානය යොමුකර කටයුතු කළ යුතු බවත් අස්ගිරි මහා නායක අතිපූජ්‍ය වරකාගොඩ ඥාණරතන මහා නාහිමියෝ පවසයි.
මුතියංගන රජ මහා විහාරස්ථානයේ පැවති උත්සවයකට සහභාගීවෙමින් උන්වහන්සේ කියා සිටියේ, මේ රට අදින් හෙටින් අවසන් නොවන බවත්, මෙරට ප්‍රධාන ජාතිය හැටියට සිංහල බෞද්ධයන්ට විශේෂ අයිතියක්, අවධානයක් ඇති බවයි.
අන්‍ය ජාතීන්ද තම අනන්‍යතාවය රැක ගැනීම වෙනුවෙන් පෙනී සිටින බවත්, සිංහල බෞද්ධයන් තම අයිතීන් වෙනුවෙන් පෙනී සිටීම ජාතිවාදය ලෙස ඇතැමුන් සලකන බවත් පැවසූ මහා නාහිමියෝ, ජාතිය ආරක්‍ෂා කර ගැනීමට නිර්භයව කතා කල යුතු බවත්, එසේ කතා කලා කියා ජාතිවාදීන් වන්නේ නැතැයිද කියා සිටියහ.