නිරෝධායන ඇඳිරි නීතිය පැනවීමත් සමග සියලු බස් හා දුම්රිය සේවා අත්හිටුවා ති‌බේ.
දුම්රිය සාමාන්‍යාධිකාරී ධම්මික ජයසුන්දර මහතා සඳහන් කළේ, භාණ්ඩ හා ඉන්ධන ප්‍රවාහන දුම්රිය 08ක් පමණක් අද (21) දිනයේ ධාවනය කරන බවය.
සාමාන්‍ය මගී ප්‍රවාහනය සඳහා දුම්රිය ධාවනය නොවන බව ද ඔහු ප්‍රකාශ කළේ ය.
මේ අතර ශ්‍රී ලංකා ගමනාගමන මණ්ඩලයේ නියෝජ්‍ය සාමාන්‍යාධිකාරී ඒ.එච්. පණ්ඩුක ස්වර්ණ හංස මහතා සඳහන් කළේ, සෞඛ්‍ය සේවකයින් ප්‍රවාහනය සඳහා විශේෂ බස් ගමන්වාර ක්‍රියාත්මක බවය.
මීට අමතරව වරාය හා රේගුව වැනි ආයතනවල සේවකයින් ප්‍රවාහනය සඳහා ද බස් ගමන්වාර කිහිපයක් යොදවා ඇති බව ඔහු ප්‍රකාශ කළේ ය.