සමුද්‍රය ආරක්ෂාව තහවුරු කිරීම සදහා සහ ශ්‍රි ලංකා සුවිශේෂි ආර්ථික කලාප නිරීක්ෂණ හැකියාව ශක්තිමත් කිරීම සදහා ඇමැරිකා එක්සත් ජනපද ආරකෂක දෙපාර්තමේන්තුව විසින් ශ්‍රි ලංකා ගුවන් හමුදාව වෙත නොමිලේ සමුද්‍රීය ගුවන් ආවේක්ෂණ යානා දෙකක් ලබා දෙන බව ගුවන් හමුදාව පවසයි.
ගුවන් හමුදාපති එයාර් මාෂල් සුදර්ශන පතිරණ මහතා කළ ඉල්ලීමකට අනුව ඒවා නොමිලේ ප්‍රධාන කිරීමට ඇමැරිකා එක්සත් ජනපදය එකඟ වී ඇති බව ගුවන් හමුදාව පවසයි.
ගුවන් හමුදාව සතුව ඇති බීච්ක්‍රාෆ්ට් බී-200 ගුවන් යනා භාවිතා කරමින් දශක දෙකක ට වැඩි කාලයක සිට මේ දක්වා ගුවන් මෙහෙයුම් ක්‍රියාත්මක කරන බවද ගුවන් හමුදාව පවසයි.
මෙම යානා දෙක අදාල නිරීක්ෂණ උපකරණ සහිතව නොමිලේ ප්‍රධාන කරන බවත්, මෙම වසර අගභාගයේ දී එක් යානනයක් ද, 2023 මුල දී ලබා දෙන බවට එක්සත් ජනපද ආරක්ෂක දෙපාර්තමේන්තුව තහවුරු කර ඇති බවද ගුවන් හමුදාව පවසයි.
මෙම ගුවන් යානා මගින් සමුද්‍ර විපත් වලට ප්‍රතිචාර දැක්වීම, ගැඹුරු මුහුදේ ගලවා ගැනීමේ මෙහෙයුම් සදහා සහය දැක්වීම, නීතිවිරෝධී ධීවර කටයුතු නිරීක්ෂණ කිරීම හා, සුවිශේෂි ආරක්ෂක කලාපයන්හි මිනිස් ජාවාරම, මත්ද්‍රව්‍ය ජාවාරම, අපරාධ වලට එරෙහිව සිදුකරන මෙහෙයුම් වලට නාවික හමුදාවට සහාය වීම සදහා ද යොදා ගැනීමට නියමිත බවද ගුවන් හමුදාව පවසයි.