සටන්කාමීන් සමග ඇතිවූ ගැටුමක් අතරතුර චැඩ් ජනාධිපති ඉද්රිස් ඩේබි මරණයට පත්වූ බව එරට හමුදාව නිවේදනය කරයි.
ඔහු පසුගිය සති අන්තයේ උතුරු දේශසීමාවේ ස්ථානගත වී සිටින හමුදා භටයින් හමුවීමට ගොස් ඇති අතර එම අවස්ථාවේදී ඇතිවූ ප්‍රහාරයකින් ජනාධිපතිවරයා මියගිය බව සඳහන්.
එරට මැතිවරණය පසුගිය 11 වනදා පැවති අතර එහි මූලික ප්‍රතිඵල අනුව ජනාධිපතිවරයා සය වැනි වරටත් තේරී පත්වී ඇති බව විදෙස් මාධ්‍ය සඳහන් කළේය.
ඔහුගේ මරණින් පසුව රජය සහ පාර්ලිමේන්තුව විසුරුවා හැර ඉදිරි මාස 18 සඳහා රට පාලනයට මිලිටරි කවුන්සිලයක් ස්ථාපනය කර තිබේ.