කොළඹ ජාත්‍යන්තර මූල්‍ය නගර ව්‍යාපෘතිය සඳහා වන ගිවිසුමට අද (12) පස්වරුවේ අත්සන් තබනු ලැබීය.
නව ගිවිසුම අනුව හෙක්ටයාර 269ක භූමි ප‍්‍රදේශයක් ගොඩකර මූල්‍ය නගර ව්‍යාපෘතිය කි‍්‍රයාත්මක කිරීමට නියමිතයි. මෙම හෙක්ටයාර් 269න් 103ක් (අක්කර 257.5) චීන සමාගමට 99 අවුරුදු බදු පදනම යටතේ ලබා දීමට නියමිත අතර ඉතිරියෙන් පොදු කටයුතු සඳහා හෙක්ටයාර 91ක්, ශ‍්‍රී ලංකා රජයට හෙක්ටයාර් 62ක්, වෙරළ සඳහා හෙක්ටයාර් 13ක් ලෙස ගිවිසුමේ සඳහන්ය.
එය කලින් තිබූ ගිවිසුමේ තිබූ හෙක්ටයාර් 233ට වඩා හෙක්ටයාර් 36ක (අක්කර 90) වැඩිවීමකි.
එලෙස ගොඩ කෙරෙන ප‍්‍රමාණය ද ශ‍්‍රී ලංකා භූමි ප‍්‍රදේශයට අයත් ප‍්‍රදේශයක් ලෙසටම ජනාධිපතිවරයා විසින් ඉඩම් පනත යටතේ ගැසට් කිරීමට නියමිතය.