අතුරුදන් වූවන් පිළිබදව කාර්යාලයක් පිහිටුවීමට අදාළ පනත් කෙටුම්පත පාර්ලිමේන්තුවේදී බහුතර ඡන්දයෙන් අද සම්මත විය.
ඒකාබද්ධ විපක්ෂයේ මන්ත්‍රීවරු පමණක් ඊට විරුද්ධත්වය පල කළ අතර, එජාපය, ආණ්ඩුවේ ශ්‍රීලනිප පාර්ශවය, ජනතා විමුක්ති පෙරමුණ හා ද්‍රවිඩ සන්ධානය ඊට පක්ෂව ඡන්දය දුන්හ.
ඒකාබද්ද විපක්ෂය විසින් පාර්ලිමේන්තුවේ ඡුන්ද විමසීමක් ඉල්ලූවත් කතානායකවරයා එය පිලිනොගෙන පනත සම්මත වූ බව කියා සිටියේය.
මෙම පනත් කෙටුම්පත ජාතික ආරක්ෂාවට ප්‍රබල තර්ජනයක් බව පසුගිය දිනවලදී අදහස් පළවූ අතර ඒ සම්බන්ධයෙන් ශ්‍රේෂ්ඨාධිකරණයේ මතය විමසන ලෙස ඒකාබද්ධ විපක්ෂය ඊයේ ජනාධිපතිවරයාගෙන් ලිඛිත ඉල්ලීමක් කර තිබිණි.
