Colombo Today Local News

ශ්‍රී ලාංකික “දූ ශශීලා” බහුදින ධීවර යාත්‍රාව ඉරානයෙන් දුන් කෝටි 800ක හෙරොයින් සමග ඉන්දීය නාවික හමුදාව වටලයි

ශ්‍රී ලාංකික බහුදින ධීවර යාත්‍රාවකින් හෙරොයින් තොගයක් ප්‍රවාහනය කරමින් සිටි මෙරට පුද්ගලයින් 05 දෙනෙකු ඉන්දියාවේ කොචින්හි දී එරට මත්ද්‍රව්‍ය පාලන කාර්යාංශය විසින් අත්අඩංගුවට ගැනුණි.

ඉන්දීය මාධ්‍ය වාර්තා කළේ ඉන්දීය නාවික හමුදාව සිදුකළ විශේෂ වැටලීමක දී කොචින් වරායට ආසන්න ගැඹුරු මුහුදේදී මෙම මත්ද්‍රව්‍ය තොගය රැගත් යාත්‍රාව සොයාගෙන ඇති බවය.

“දූ ශශීලා” නැමැති ආදාළ ධීවර යාත්‍රාවේ මසුන් ඇසිරීම සඳහා යොදාගන්නා අයිස් අතර ඉතා සූක්ෂම ලෙස සඟවා තිබියදී හෙරොයින් කිලෝ ග්‍රෑම් 340ක් සොයාගෙන ඇත.

ඉන්දීය නාවික හමුදාවට අයත් නෞකාවක් විසින් මෙම බහුදින ධීවර යාත්‍රාව නිරීක්ෂණය කර ඇති අතර සැකපිට අදාළ යාත්‍රාව සහ ධීවරයින් පිරිස සිය භාරයට ගෙන කොචින් වරායට රැගෙනවිත් සෝදිසී කිරීමේදී මත්ද්‍රව්‍ය තොගය සොයාගෙන ඇති බව ඉන්දීය මාධ්‍ය වාර්තා කළේය.

මෙම හෙරොයින් තොගය ඉරාන යාත්‍රාවකින් ගැඹුරු මුහුදේදී එම ධීවර යාත්‍රාවට ලබාදී ඇති බවට සිදුකළ මූලික විමර්ශනවලින් අනාවරණය වී තිබේ.

මෙම හෙරොයින් තොගයේ වටිනාකම ඉන්දීය රුපියල් කෝටි 340 ඉක්මවන බව වාර්තා වේ.

පසුගිය මාර්තු 30 වන දිනද ඉන්දීය වෙරළ ආරක්ෂක බළකාය විසින් හෙරොයින් කිලෝ ග්‍රෑම් 300ක් සමග ශ්‍රී ලාංකික ධීවර යාත්‍රාවක් කේරළ‍යේ විජිංජම් මුහුදේදී සොයාගනු ලැබීය.

අදාළ ධීවර යාත්‍රාවේ තිබී A K 47 ගිනි අවි 05ක්, මිලි මීටර 09 වර්ගයේ උණ්ඩ 1000ක්ද සොයාගත් බව ඉන්දීය ආරක්ෂක අංශ සඳහන් කළේය.

ඊට අමතරව පසුගිය ජනවාරි මාසයේදී ද හෙරොයින් කිලෝ ග්‍රෑම් 100ක් සමග ශ්‍රී ලාංකික ධීවර යාත්‍රාවක් ද තමිල්නාඩුවේදී ඉන්දීය ආරක්ෂක අංශ භාරයට ගෙන තිබේ.

Related posts

රාජසභා මණ්ඩපය ඩෝසර් කල නගරාධිපතිගේ උපන්දිනයට පොලිස් අධිකාරී කේක් ගෙනත්. කට්ටියම කේක් කපා උපන්දිනය සමරලා.

colombotoday

රනිල්ට,සජිත්ට මොකුත් කරන්න බැහැ කියලා දන්න මංගල ගෙදර ගියේ සියළු වරප‍්‍රසාද අරගෙන

colombotoday

අවුරුද්දකට ලුණු මිල අඩු වෙයි

colombotoday

සමගි ජන බලවේගය හා එක් වුවන්ට එජාපය තහනම්

colombotoday

පාස්කු ඉරුදින ප්‍රහාර නොවැළැක්වීමට වගඋත්තරකරුවකු වූ රනිල් එයින් ඉවත් කිරීමට මෛත්‍රී එරෙහි වෙයි

colombotoday

කින්නියා ප්‍රදේශවල නිවෙස් තුළ මියයන කොරෝනා ආසදිතයින්ගේ සිරුරු රහසිගතව භූමිදානය කරන බවට තොරතුරු

colombotoday