20 වන ආණ්ඩුක්‍රම ව්‍යවස්ථා සංශෝධන කෙටුම්පතේ ඇතැම් කරුණු සම්බන්ධයෙන් පාර්ලිමේන්තුවේ තුනෙන් දෙකක ජන්දයට අමතරව ජනමත විචාරණයට යා යුතු බව ශ්‍රේෂ්ඨාධිකරණය තීරණය කර තිබෙනවා.
ඒ 20 වන ආණ්ඩුක්‍රම ව්‍යවස්ථා සංශෝධනය අභියෝගයට ලක් කරමින් ගොනු කළ පෙත්සම්වල තීන්දුව කතානාකවරයා විසින් පාර්ලිමේන්තුවට දැනුම් දෙමින් මේ බව ප්‍රකාශ කළා.
කෙසේ නමුත් කාරක සභා අවස්ථාවේදී ඉදිරිපත් කරන සංශෝධන මගින් ජනමත විචාරනයකට තුඩුදෙන කරුණු සංශෝධනය කර ගැනීමේ හැකියාව පතින බවද ශ්‍රේෂ්ඨාධිකරණය සිය මතය ඉදිරිපත් කරමින් ප්‍රකාශ කර තිබෙනවා.