වැට් හා ජාතිය ගොඩනැගීමේ බද්ද සම්බන්ධව ඊයේ ශ්‍රේෂ්ඨාධිකරණය නිකුත් කළ අතුරු තහනම් නියෝගය අනුව රජයේ ආදායමට හානියක් සිදු නොවන බව ආග්‍රමාත්‍ය රනිල් වික්‍රමසිංහ මහතා නිවේදනයක් නිකුත් කරමින් පවසයි.
බදු සංශෝධන සදහා කෙටුම්පත ජූලි 8 දින පාර්ලිමේන්තුවට ඉදිරිපත් කළ බවත්, එහි දෙවැනිවර කියවීම ජූලි 23 වැනි දින සිදුකිරීමට අපේක්ෂා කරන බවත් මේ මාසය අවසානයට පෙර එහි ව්‍යවස්ථාමය කටයුතු අවසන් කිරීමට හැකිවනු ඇති බවත් එම නිවේදනයේ දැක්වෙයි.
එම පනත වැඩි ඡන්දයෙන් සම්මත කර ගැනීමට රජයට හැකි බැවින් පසුගිය මැයි 2 වැනි දා සිට සංශෝධනය කරන ලද වැට් බද්ද යළි ක්‍රියාත්මක වන බවත් අගමැතිවරයාගේ නිවේදනයෙන් වැඩිදුරටත් සදහන් වෙයි.