World

සෞදියේ ජෙඩාහ්, ඇමරිකානු තානාපති කාර්යාලයට මරාගෙන මැරෙන ජිහාඩ් ප්‍රහාරයක් !

සෞදි අරාබියේ, ජෙඩාහ් නුවර ඇමෙරිකානු තානාපති කාර්යාලය වෙත ජිහාඩ් අන්තවාදියෙකු විසින් මරාගෙන මැරෙන බෝම්බ ප්‍රහාරයක් එල්ල කර තිබේ.

අද (04දා) අලුයම සෞදි අරාබියේ දෙවැනි විශාලතම නගරයේ පිහිටි ඇමෙරිකානු තානාපති කාර්යාලය වෙත මෝටර් රථයකින් පැමිණ ඇති ප්‍රහාරකයා, එහි ආරක්ෂක නිලධාරීන් විසින් පරීක්ෂා කිරීමට උත්සාහ කිරීමේදී සිය මරාගෙන මැරෙන බෝම්බය පුපුරුවාගෙන තිබේ.

මෙම පිපිරීමෙන් ප්‍රහාරකයා ජීවිතක්ෂයට පත්ව ඇති අතර, ආරක්ෂක නිලධාරීන් දෙදෙනා බරපතල තුවාල ලබා ඇති බව වාර්තා වෙයි.

මෙම පිපිරීමෙන් පැය කිහිපයකට පසුව එම ප්‍රදේශයේ තවත් පිපිරීම් තුනක් සිදුව ඇති අතර, මෙය එම ස්ථානයේ වූ බෝම්බ ආරක්ෂක අංශ විසින් නිශ්ක්‍රීය කිරීමක් ලෙසද වාර්තා වෙයි.

රාමසාන් සමය තුළ ඉස්ලාම් අන්තවාදීන්ගේ ප්‍රහාර දැඩි කරන බවට වූ අනතුරු ඇඟවීම් මෙන්ම, ඇමෙරිකානු බුද්ධි අංශ වෙත ලැබුණු තොරතුරු මත සෞදියේ වෙසෙන ඇමෙරිකානු ජනතාවට වඩාත් සුපරික්ෂාකාරීව රට තුළ ගමන් කරන ලෙසත්, අනවශ්‍ය ගමන්බිමන්වලින් තොරව රැඳී සිටින ලෙසත් මීට පෙරද අනතුරු ඇඟවීමක් කර තිබුණි.

 

Related posts

ලොව පුරා කොරෝනා ආසාදිතයින් ලක්ෂ 15 ඉක්මවයි

colombotoday

වයස 92යි.. සංවර්ධනයේ නියමුවා, මහතීර් මොහොමඩ් නැවතත් මැලේසියාවේ නායකත්වයට

colombotoday

මුස්ලිම් නම් 29ක් චීනයේ තහනම් වෙයි.. මොහොමඩ්ලාට, සදාම්ලාට මින් පසු චීනයේ ඉඩ නෑ !

colombotoday

සභාගර්භයට කඩා වැදී තරුණයන් දෙදෙනෙකුගෙන් ඉන්දීය පාර්ලිමේන්තුවට දුම් බෝම්බ ප්‍රහාරයක්

Admin

තුර්කියේ තවත් ප්‍රබල භූ කම්පනයක්

Admin

සිම්බාබ්වේ මහබැංකුවක් රන් කාසි නිකුත් කරයි – උද්ධමනය ඉහළ යාමෙන් ලංකාව දෙවැනි තැනට

colombotoday