සිංහල දෙමළ සමගිය ඇති කිරීමේ අරමුණින් ශ්‍රී ලංකාව තුළ දෙමළ භාෂාව උගැන්වීමේ වැඩපිළිවෙලක් සිදු කරන බවත්, එමගින් “අපට අප සමග කතා කළ හැකියැ” ද “ලෝකය සමග කතා කිරීමටනම් ඉංග්‍රීසි භාෂාව ඉගෙනීම අත්‍යවශ්‍ය යැයිද අගමැති රනිල් වික්‍රමසිංහ මහතා ප්‍රකාශ කරයි.
මීගමුව නිව්ස්ටඩ් බාලිකා විද්‍යාලයේ ඊයේ (02දා) පැවති උත්සවයක් අමතමින් ඔහු මේ බව පැවසීය.
අතීතයේදී ඇමරිකාවට හා එංගලන්තයට සීමාවූ ඉංග්‍රීසිය අනාගතයේදී චීනය, ජපානය, ඉන්දියාව ආදී රටවල කතා බහ කරන්නට ගත් විට ඉදිරි විසි තිස් වසර තුල එය ආසියානු භාෂාවක් වනු ඇති බවට අගමැති වරයා වෙතින් අපේක්ෂාව පල වුනි.
“ක්‍රිකට් ක්‍රීඩාව ආසියාවට සහ අප්‍රිකාවට අයත් වූවා සේම ඉංග්‍රීසි භාෂාවත් ආසියාවට අයත් වනවා,” යි අගමැති වික්‍රමසිංහ ප්‍රකාශ කළේය.